Türkmənistan qazının Avropaya nəqli üçün İşçi qrup yaradılacaq
DEKABR 15, 2022Türkmənistan təbii qazı məsələsində də üç ölkənin xeyrinə olacaq şəkildə ortaq addımlar atmağa hazırıq və bununla bağlı İşçi qrupu yaratmaq qərarını verdik.
Bunu bu gün Türkiyə xarici işlər naziri Mövlud Çavuşoğlu Türkiyə-Azərbaycan-Türkmənistan xarici işlər nazirlərinin birgə mətbuat konfransı zamanı deyib.
"Türk Dövlətləri Təşkilatı bir araya gələrək ortaq hədəflər müəyyən etdiyimiz bir platformadır.
Azərbaycan ilə fərqli mexanizmlər çərçivəsində effektiv addımlar atırıq. Azərbaycan təbii qazını Cənubi Qaz Dəhlizi və TANAP vasitəsi ilə Avropaya nəql edirik. Türkmənistan təbii qazı məsələsində də üç ölkənin xeyrinə olacaq şəkildə ortaq addımlar atmağa hazırıq və bununla bağlı İşçi qrupu yaratmaq qərarını verdik. Bu gün enerji sahəsində əməkdaşlığa dair imzaladığımız anlaşma memorandumu da lazımi çərçivəni yaradır", - M.Çavuşoğlu deyib.
https://az.trend.az/business/energy/3681558.html
