Azərbaycanda kiçik ölçülü bərpaolunan enerji layihələri üçün əlverişli mühit yaradacaq siyasət çərçivəsinin icrasına dəstək
Avropa Yenidənqurma və İnkişaf Bankı (AYİB) kiçik ölçülü BES-lər vasitəsilə elektrik enerjisi istehsalı üçün tənzimləyici və qanunvericilik bazasına dəyişikliklər edilməsində Azərbaycan Hökumətini (AH) dəstəkləmək məqsədilə Economic Consulting Associates Ltd (ECA) şirkətinin başçılıq etdiyi məsləhətçi qrupu ilə müqavilə imzalamışdır. Bu layihənin həyata keçirilməsi üçün ECA yerli tərəfdaş kimi "ACE GROUP Consultants" şirkəti cəlb etmişdir.
Layihə cərçivəsində dörd tapşırıq üzrə tədbirlərin icrası təmin edilmişdir:
- Tapşırıq 1: Mövcud qanunvericiliyin yüksək səviyyədə icmalı
- Tapşırıq 2: Tənzimləyici və müqavilə çərçivəsi variantlarının hazırlanması
- Tapşırıq 3: Normativ-hüquqi sənədlərinin işlənib hazırlanması - Aktiv istehlakçılar tərəfindən bərpa olunan enerji mənbələri hesabına istehsal edilən elektrik enerjisinin güc həddinin müəyyən edilməsi və “Aktiv istehlakçının dəstəklənməsi mexanizminin tətbiqi Qaydaları”nın hazırlanması və təqdim edilməsi
- Tapşırıq 4: Kiçik ölçülü BES texnologiyalarının tətbiqini genişləndirmək üçün yol xəritəsinin hazırlanması
